Enkomputiligis Don HARLOW |
Finosortas sur la Tero, fajro krakas, tondras fero. Moke blekas militistoj, karno krias, krevas histoj. Vadas tra sovaĝa vojo hord' fantoma, hurla bojo. Trene super sangvualo ŝvebas drako de fatalo. Drinkas ni radian rumon, spiras mondo mortofumon. Ni malfortas, mondo mortas, Juĝo vortas, jam finsortas. Bebon vokas veoplore la patrino tremokore. Ludon lasis l' infaneto, solas pilkoj sen priĵeto. Vanas voko veoplora, estas juno jam tro fora. Ankaŭ lasta la patrino baldaŭ palas post la fino. Beboj – ni unue mortas, Terpatrinon lasto portas – ... ... ... Finosortas ... |