Enkomputiligis Don HARLOW |
Enhavo |
---|
Rondelo de l' oniksa ponto Rondelo de l' pagodo Rondelo de l' akvo en la korto de l' japano Rondelo de l' japana maro |
Rondelo de l' oniksa ponto |
---|
Pont' oniksa, arkatrua, Inter bordoj volbas alte, Super laga akvo blua Falas foliar' senhalte. Sunsubir' trembrilas arde En torento sangeflua; Pont' oniksa, arkatrua, Inter bordoj volbas alte. Mandarenoj, kunrigarde, Diras pri vetero pluva; Barko, iom pezkonstrua, Inter ondoj tangas salte, Sub la ponto arkatrua. |
Rondelo de l' pagodo |
---|
Kisata de papilioj, Sur montet' artefarita, En matenaj sunradioj Staras la pagod' orita. Ombroj dancaj de folioj Lasas ĝin senvualita, Kisata de papilioj, Sur montet' artefarita. Diamantas rosostrioj Sur la porcelan' lakita, Inter la skulptitaj dioj De l' fasado ornamita, Kisata de papilioj. |
Rondelo de l' akvo en la korto de l' japano |
---|
Sian akvon, tra la korto Milde fluan al la valo, Per amasa ŝtonalporto Baras voje la japano. Plaŭde-ŝaŭme, apud pordo, Volas vidi el la halo Sian akvon, tra la korto Kiu fluas al la valo. Kaj se vekas lin akordo De la freŝa akvofalo, Plimildiĝas eĉ la sorto, Inter sonoj de kristalo De la akvo tra la korto. |
Rondelo de l' japana maro |
---|
Smeraldo de la maro rava -- Ludad' eterna de kolor', En sunradio verdaflama, Ĉe l' bordo kun tapiŝ' de flor'. Sub arboj, fluas font' orflava, Gracilaj, kiel la aŭror'; Smeraldo de la maro rava -- Ludad' senĉesa de kolor'. Infan', nescia pri dolor', Inter popoloj -- la Japana; Nenia zorg' por ili, grava, Ĉar portas ĉiam en la kor' Smeraldon de la maro rava. |