Enkomputiligis Don HARLOW |
Alvenanta el tutmondo Hej, vi vento! Ĉu en ĉiuj lokoj kreskas Malkontento? Ĉu en ĉiuj lokoj homoj Per tutforto Bataladas kun fervoro Kontraŭ sorto? Kaj la vento en respondo Forte bruas: "Multaj, ĉion forgesante, Vivon ĝuas. Ili ĝuas en feliĉo La bonstaton, Kaj aliaj suferadas Nur malsaton". Hej, vi, suno el ĉielo, Heleora! Ĉu vi scias pri la homa Pens' dolora? Do, vi ĵetu sur la teron Viajn varmojn Kaj sekigu el okuloj Niaj -- larmojn! Kaj la suno jene diras En respondo: "Elsekigi homajn larmojn En tutmondo? Hej, vi, homo malfeliĉa Ĉu vi scias, Ke por ĉiuj mi en mondo Ne radias? Hej, vi, homo, mi entute Estingiĝus Kaj ne ĉiuj homaj larmoj Elsekiĝus!" Hej, vi, Dio en ĉielo Kiu sidas Tiel bonon inter homoj Vi dividas? Kial unuj ĝuas vivon Kun feliĉo Kaj aliaj devas vivi Per dediĉo? Maljusteco nune regas Sur la tero, Ĉar plimulto devas morti Pro mizero. Do al tuta mondo blovu Hej, vi, vento Por ke, inter homoj kresku Malkontento! |