Enkomputiligis Don HARLOW

Ne rigardu

de Wiktor Elski

aperis en Unuaj agordoj, p. 40

Klaketu ĉi tie por Latin-3 literaro Klaketu ĉi tie por versio unikoda
Mia kara vi trezoro
mia bela,
Ne rigardu tiel rave
svenigante!...
De l' rigardo mia koro
per ĉiela
Ĝuo tremas, iel save
ĝin ŝirante.

Ne rigardu per okulo
nesincere,
Sed per brilo de l' radia
kora flamo,
Tiam estos feliĉulo
mi laŭvere,
Se en unu vorto via
estos l' amo.