Enkomputiligis Don HARLOW |
Kramfon mi ja pensis spasmo, ĉar ĝi vere estas spasmo! Kio mian suron trafis, fakte estis spasmo kramfa. Spasmon mi ja pensis pasmo, ĝi ja vere estas spasmo! Kio mian suron trafis fakte estis pasmo spasma. Jes, ĉi-nokte, dum ĉi nokto, post babilo iom longa, mian kruron kaptis pasmo ― Ĝi, bonŝance, ne ekzistas! Jes, ne pasmo kaptis mian kruron, ja ĝin kaptis spasmo! Sen s-o ĝi ja plaĉus min pli, sed mi nun ne implikiĝu! Mia dolorsenso estis tia preskaŭ kiel sento! ja mi sentis ke mi sensas kaj en spasmo s-o esencas! En malforta pozicio vortkomence ĝi ja ŝvebas ― en malforta pozicio pensis mi, min spasmo tenas. En surplanka pozicio s-o de spasmo min ne ĝenis, estas pasmo sammalbona kiom bona estas spasmo! Venas spasmo, pasas spasmo, spasmo tamen evoluas! Ni ja ŝanĝojn, laŭ la ebloj, taksu iom pozitive! Malfermiĝis hundbazaro "marde, en la strato Mordo" ― Adalberto Hules mortis, la movad' estas en ordo! |