Enkomputiligis Don HARLOW

Poemo 101a

de Katulo

ellatinigis Nicola RUGGIERO

Aperis en la poŝtolisto "cezarpoezio" 2004.10.24

Mi vidis multajn gentojn kaj multajn marojn traplugegis
por vin atingi, frato, ĉe via trista tombo,
regali vin per lasta donac', funebraj la honoroj,
mi alparolas viajn silentajn cindrojn vane:
ĉar ŝi, Fortun', forŝiris kruele vin de mia mio,
mizera frato mia, vi ne meritis tion!
Nun, tamen, kiel agis la praaj homoj laŭ la moro
mi ankaŭ portas samajn oferojn porfunebrajn,
akceptu ilin, daŭre gutantajn pro la frata ploro,
por ĉiam mi salutas kaj, frat', adiaŭas.