Enkomputiligis Don HARLOW
|
|
Enkomputiligis Don HARLOW |
|
Ĝis antaŭ la ekzameno ja lernados mi sukcese, ĉar se foje mi komencos, ja lernados mi senĉese. Ĝis la ekzamen-komenco pasos mia temp' ― sukcese, dum la ekzameno-tempo... (?) certe ŝvitos mi senĉese. Mi atingos la kulminon, miatakse ― ja senpene ― ja eĉ dek ekzamenantoj senvortigos min ne plene. Estos mi ekzamenata, kaj ili min estos... -antaj. Ili, min ekzamenante, ŝajnos pro bonvolo sanktaj. Ĉu ĝis post la ekzameno mi sukcesos certe vivi? Jes, sukcesos mi ĝisvivi, jes, sukcesos mi transvivi. (Ĉu tralerni tutan kurson efektive, indas penon? estas eble pli racie tuj trapasi ekzamenon?) Ho ne nuran ekzamenon, ne nur oron kaj sukcenon... volas mi, ke mi atingu brilan ekzamen-sukceson! |
