Enkomputiligis Don HARLOW
|
|
Enkomputiligis Don HARLOW |
|
Ofte sur strat' aŭ bulvardo Haltas hazarde rigardo Sur ies vizaĝ', Kaj de l' kaptita esprimo Fuĝas de l' vunda animo La vivo-kuraĝ'. Estas stampita plejmulto Per trivialo kaj stulto, Per nulo-emblem', Respeguladas brutalon, Krude senhontan realon Eĉ saĝa mien'. Senesperig' vin inundas, Duboj en kor' ekabundas Pri Bono kaj Bel', Kaptas indigna rezigno Pri la brilpluma homdigno, Velanta sen cel'. Sed se ekbrilas okaze En ĉi dezerto oaze Multdira vizaĝ', Kredon la koro retrovas: Dubojn venenajn forblovas La sorĉa miraĝ'. |