Enkomputiligis Don HARLOW |
Januaro, februaro, griz-aŭroro de la jaro; tranĉas frosto, gluglas mosto, tremas fag' sen foliaro. Mart', april', aprilo, majo; ŝaŭmas arboj laŭ la kajo; sango saltas, nuboj altas; kantas koko pro l' korgajo. , Jen junio kaj julio, pompas rozo kaj lilio; brulas suno; eĉ la luno trempas sin en ampasio. Dum aŭgusto kaj septembro dankripozas ĉiu membro; pomoj ruĝas, tondroj muĝas; tristas najtingala tembro. Venas riĉa temp' oktobro; brunas kverko, flavas poplo; ' bonodora spir' vaporas; regas mildtrankvila sobro. Hej, novembro kaj jarfino; fuĝas ni al hejma sino; pluvnebulas; ŝtipoj brulas; en pokal' trembrilas vino. |