Enkomputiligis Don HARLOW |
Feliĉa, ĝoja, gaja mi: Mi staras kvazaŭ cikoni' Tutsupre de la vivtegmento, Kaj forrigardas kun aplomb' Tra dornarbaro, marĉo, tomb', Glatigas plumojn sen timsento. Plezursekreton trovis mi: Ne plu min pelas ambici' Al trolaŭdata konateco, Nek strebas al la pleja flug' De l' amekzalto; plaĉas jug'; Min kontentigas ora mezo. Romanoj, dramoj trompas nin, Dirante, ke l' plej gusta vin' Troviĝas en botelo kara: Aroma, dolĉ-acerba brul'. Juvelkoloroj por okul' Min logas el -- pokal' vulgara. Pomp' pufa, gloro, vanta tro' -- Bobelon pinglu! for hero'! Ni guu ĉiun vivsekundon. Amikojn famajn havu ne, Sed vibran sanon -- jen ale' Tra l' lum': Ni kantu ĝojabundon! |