Enkomputiligis Don HARLOW |
Tre grandan patrujon mi havas sur tero Ĝi estas al mi kaj dolor' kaj espero. Sep gentojn mi sentas ja en mia sango. Al ĉiu mi ŝuldas sammulte da danko. Jen: saksa, kroata; jen: ĉeĥa, bavara, Jen ankaŭ viena, jen franca, itala. Kaj kiu donacis la plej bonan guton, Ne scias mi: sentas la sep kiel tuton. Ĉi sango multgenta pasie rondiras En mi kaj ĝi amas, inspiras, sopiras. Ĉi sangon multgentan nur unu motoro Pulsigas, vivigas en mi: mia koro. Ĉi sango multgenta per sankta magio Por unu nur batas, por unu patrio, Plej kara patrujo sur nia terglobo: Ho sankta, fiera, eterna Eŭropo! |