Enkomputiligis Don HARLOW |
Vivo, tremanta herbejpapilio, Sorĉa, serena printempiluzio En juna kor' -- Vivo: jam morgaŭ turmenta ekscio, Plumba ekkono, akra ekkrio, En nigra hor'! Kien rifuĝi, kien sin savi? Ĉu la malbenon per larmoj forlavi? Ne helpas plor'! Preĝas sanktuloj solecaj en ĉeloj, Floras siringoj, muĝas ribeloj, Restas angor' ... Morto, nur vi fine ami min volos, Min en lulilo silenta konsolos Post viv-malsan'. Morto, vi sava eterna refreno, Finas la bruon de l' vivo per beno De milda man'. |