Enkomputiligis Don HARLOW |
1. |
---|
Silueto ekvidita, Sur programo nom' skribita. Flustra babil'. - Ligita. |
2. |
Sunriver' sub ĝojlazuro. La boato ilin portas al kia aventuro? |
3. |
Noktaj kisoj lipojn ligas. Eĉ flustrataj am-konfidoj la buŝojn ne disigas. |
4. |
Sur la maro sun' krepuska. Sol' de l' alta muro muska. Kaj via rid', Amoro! |
5. |
Ĉe fervoja bariero. Aŭtoj. Scivolemoj. Nia Silenta lipo-prem'. |
6. |
Tra l' fenestro rufa lumo: stratlanterno sub la pluvo. Post ni, profunda lit'. |
7. |
Vaga drivo tra Parizo: haste tintas, apud mia, cervina via paŝ'. |