Enkomputiligis Don HARLOW
|
|
Enkomputiligis Don HARLOW |
|
Ne~blankaj veloj kiel nubo ŝvelas, Brilantaj sur lazuro ĉielfona; Dancetas ŝip' sur maro alciona, Tra ŝaŭmaj ondoj oceanon celas. Al Orient' mistera la vojaĝo, Aŭ perl-insuloj en smeraldaj maroj Perditaj, krom de la fantom-korsaroj, Lunlume revivantaj en pejzaĝo Konata antaŭlonge; kaj l' enhavo ... Sukceno, spicoj, filigran' ebura, Oraĵoj, silko, plumoj de la pavo, Kaj ĝia komercaĵo aventura. Sed portas ŝipo ankaŭ mian koron: Malpeza ŝarĝ'! kaj mian rev-trezoron. |