Enkomputiligis Don HARLOW

Dum novembra aprilo

de Amalia NUÑEZ-DUBUS

en Dekdu poetoj, paĝoj 83-84

Aŭtuno volas festi,
printempe sin transvesti,
burĝonas nove flor',
eksaltas ree kor'
    por nesti.

Kaj tamen venas vintro
(sed ĝi prokrastos sin tro).
Post pluvo dumonata
ĉiel' lazura, glata,
    post cindro.

Ĉu estas pli alloga
vort~ vera aŭ mensoga?
Ĉu portas pli da sveno
sanilo aŭ veneno
    droga?

Ni revu: temp' someras,
mi kredas kaj esperas;
nigrega okulparo
min gapas en l' arbaro.
    -- Am' veras.