Enkomputiligis Don HARLOW |
I. |
---|
En la aero kanto naĝas Majesta, festa sonomilo. La ritmo tremas, sin pretigas La muzikant' kun muzikilo. La muzikant' per muzikilo La kor' ekbrulas, lulas kante Jen dolĉvelura ĝojario; Ĝi sonas rave, reve, sankte. La kant' sonoras reve, sankte ... Sed eksilentas la sorĉtrilo; Nur trumpetaĉ' en man'. Ektremas la muzikant' kun muzikilo. La muzikant' per muzikilo Ekkanti volus mire, bele, Ekplori, flori, flirti, morti Kaj vaporiĝi surĉiele. Forvaporiĝi surĉiele ... Ho raŭka ilo, falsa trilo. Jen, antaŭ vi, nur mute staras La muzikant' kun muzikilo. |