Enkomputiligis Don HARLOW |
La pino |
---|
La altan pinon ne fleksas ŝtormo murda, nek jug' de l' jaroj. Ĉe ĝia pied' mi sidas kun mia vivo kurta. |
La rivero |
La rivereto preter la bordo, domo kun hasto kuras. Ne degnas ĝi rigardi al la surborda homo. |
La monto |
En valo varma 1a viv' fermente bolas kun ard' pasema. Super ĉi pulsa svarmo la monto olde solas. |
La nubo |
Sur la ĉielo groteskaj blankaj nuboj: incite, lude ili sin serĉas-pelas kiel petolaj buboj. |
La luno |
En la arbaro silenta nokt' odoras; sekretajn vojojn la arĝentvesta Luno scivole priesploras. |