Enkomputiligis Hector Alos i Font kaj
Don HARLOW
|
Soneto, silk' susura! Ama flirto kaj ama plendo brode vin dekoras, voluptaj rozoj kaj feliĉa mirto sur vi paradas, salikbranĉoj ploras. Vin rev-zigzagoj de medito oras, ornamas scenoj de heroa virto, sentarabeskoj per arĝento floras, eĉ moko aspras kun groteska hirto. Soneto milnuanca, mi vin amas, sed per kolora brod' vin ne ornamas, forvelkis por mi via bunto pimpa. Vi por mi en ĉi mondo de baraktoj ne estas plu susura silk', nur simpla tabulo nigra por la skrib' de faktoj. |