Enkomputiligis Hector Alos i Font kaj
Don HARLOW
|
La hospitalon oni bombtapiŝis. Disfalis ĝia bela blanka ordo, elstaras feraj traboj en distordo el ĉambroj, kiujn la atak' forviŝis. La malsanulaj litoj transkapiĝis, sub ili kuŝas sange en la morto karnpecoj, kiuj el la homa sorto tiel subite fuĝi nun feliĉis. Por homojn eble vivajn el sub ruboj elsavi, vigle fosas la sav-grupoj, sed nur korp-stumpojn sternas sur la herbo. Ho, bona estas nun ĉi tiu peno! Troviĝas nek akuz' en mia cerbo, nek pento, nek konsterno, nur malpleno. |