Enkomputiligis Hector Alos i Font kaj
Don HARLOW
Aliaj poemoj de Kalocsay
|
Sur mia forn' muzikas faŭn' per fluto dutuba, kaj, dum plenabuŝa blovo, li ŝajnas al mi signi per la brovo, ke mi lin akompanu per liuto. Ĉu kantas al la luno por saluto, jubilas pri l' sezono de l' renovo, aŭ spitan nimfon volas per kornomovo delogi tiu sonoranta muto? Subite rompas tra l' medito revo, kiel stertora ve' de gorĝo kreva, konsterne tranĉa son' el la du tuboj. El mitaj tempoj de horor' fantoma, ĝis ĉi epoko plena de inkuboj hantas la hajlo de l' sufer' prahoma. |
