Enkomputiligis Hector Alos i Font kaj
Don HARLOW
Aliaj poemoj de Kalocsay
La celoj ĉie dronis. Jam emerĝas kimeroj por apokalipsa rajdo. La saĝe tima koro vane serĉas eskapon de l' minaca sanga tajdo. Ekiri al atako mondŝancela mi vidas jam la Stulton hipertrofan, kaj dume zorge, per labor' ĉizela, fabrikas tiun ĉi soneton novan. Kiam anoncis ploro kaj vekrio. kaj en la noktoj ruĝo horizonta: la gotaj hordoj en la imperio! En Romo iu pensis, desaponta, pri la promesoj de l' Aŭgusta paco kaj flustris kelkajn versojn el Horaco. |