Enkomputiligis Hector Alos i Font kaj Don HARLOW
Aliaj poemoj de Kalocsay

Rimportretoj XXVII: Kabe (Kazimierz Bein)

de K. KALOCSAY

el Rimportretoj, 1931


Ho, Kabe, Kabe, Kabe, Kabe,
Droninta vive en la morto,
Kia mister-malica forto
Vin povis de ni preni rabe?

Ni lernis de vi lernantknabe
Kuiri en la stilretorto.
Ho, Kabe, Kabe, Kabe, Kabe,
Droninta vive en la morto!

Kaj nun ni miras gape, strabe
Pri via karier-aborto.
Al vi la esperanta vorto
Nun eble sonas jam arabe...

Ho Kabe, Kabe, Kabe, Kabe.