Enkomputiligis Hector Alos i Font kaj
Don HARLOW
Aliaj poemoj de Kalocsay
|
En mia trista, sopirbrula kor' Ardante fluas mia amsufero. Metal' rigida el fluanta fero: Molĝoja vers' fandiĝas el dolor'. jen kanto, kvazaŭ sonorilsonor' Kiu funebron muĝas tra l' aero, jen kant' sovaĝa, kant' de malespero: Nenie bril', nenie, helkolor'. Ho, se ekbrulus en via amo flamo Kaj koron de l' eterne-vin-amant' Karesus vi per via vera amo: Ho, kara, tiam estus mia kant' Por vi fajrere brila kapornamo El ĝoja or', kun pompa diamant'. |
