Enkomputiligis Don HARLOW
|
|
Enkomputiligis Don HARLOW |
|
Kiu ne jam aŭdis kanton, kanton pri kampulo Naz? Leonkoron ja ne havis, tamen stulta li ne estis. Kampul' Naz jen ĵus vendinte bovan duon en la urbo kun si portis, hejmirante, sescent frankojn en monuj'. Kampul' Naz, nur simpla ulo, tamen havis cerbon klaran, seppafilon li aĉetis, kaj en ĝin li metis kuglojn. Tiel marŝis Naz malpeze, kun monujo tamen peza; diris li: "Aĥ, volus mi jam esti hejme kaj enlite" Subite, kion aŭdas kampul' Naz, jen post li en tiu trunko? Io gvatas kaj moviĝas; pensas Naz jam pri la mort'! Kaj antaŭ ol la ul' enspiris post tiela ektimego, kaptas Nazon jam du manegoj, kaj jen kuŝas li sur ter'. Li nek aŭdas nek plu vidas, kaj nenion plu li sentas, li nur vidas pistolegon kaj la diron "... Pafos mi!" "Pafos mi se vi ne tuj al mi donos ĉiun monon, ĉe ekmovo via, ulo, lasta tago estos via!" Kampul' Naz, preĝinte ĉiutage kvin, ses preĝojn brako-kruce, por ke longe vivu li, tuj ekvidas: la gravegon de l' problem'. "Kion diros ŝi," ekkrias Naz, kiam hejme mi revenos: "Li denove ĉiom drinkis, drinkemulo, jen denove!" "Aŭskultu, mia kara, kaj bonvolu montri vin esti bonkora, aĥ, pafu kuglon tra l' ĉapelon evitu plendon de l' edzin'! Diros mi veninte hejme: "ŝtelis oni mian monon, kaj malgrandis la ekarto al la traf' de mia kap'!" La ŝtelisto pli avida al la mono ol al sango de ul' Naz pafas tuj la kuglon tra la bulo de l' ĉapel'. "Dankon!" diris Naz, jam kaptas baskon "Pafu unu tra la jakon" Al stelisto tenas Naz nun la kapoton por la paf'. "Tra l' pantalonon pafu unu, por ke kredu la edzin' ke mirakle mi eskapis el danĝero de la viv'!" La rabisto diras "Jam sufiĉas! Vian monon nun, rapidu, mi tempon, kuglojn ne plu havas..." "Mi jes", diras Naz, "Jen mi ja!" La seppafilon prenas Naz nun kaj ekdiras: "Se ne tuj kaj senprokraste vi forkuros, vin, fripono, vin mi pafos! "Se alproksimiĝus vi, mi pafus stultan kapon en pecetojn kaj se ree vi prirabos, la prudenton ne forgesu!" Kaj forkuris la rabisto, piedojn el sub sia korpo, rapidege kaj maleblas ĝin priskribi kiom ajn rapide mi eĉ skribus! Jen mi haltas. Aliulo nun priverku kanton pri kampulo Naz Vere, leonkoron li ne havis, sed stultemon ankau ne! |
