Enkomputiligis Don HARLOW
|
|
Enkomputiligis Don HARLOW |
|
Kial vi sola staras, amiko, dum la aliaj ludas en kort'? Ĉu larmojn viŝas vi per maniko pro akra bato aŭ moka vort'? Ĉu tiu klik' insulti vin provis kaj vin faligi volis per puŝ', al vi rikanis, vin flanken ŝovis? Ĉu tial tremas nun via buŝ'? Jam, amiketo, ĉesu singulti. Mi havas forton en mia man! La stultularon lasu tumulti, al ĝi maleblos plia ĉikan'. Levu la kapon! Tiam vi vidos ke ili cedis ĝeni vin plu. Ĉe vi mi restos kaj ne perfidos. Ion amuzan faru ni du! |
