Enkomputiligis Don HARLOW |
(kiu povus aparteni al V. Majakovskij, se li vivus nun, verkus en Esperanto kaj estus adepto de la E-Civito)
Mi lupe elmordus la finvenkismon. Nauxzas min asocio struktura. Ruligxu inferen, en nigran abismon kiu ajn paperacx'. Krom la nura... En Interret', en abunda tekstar' cxasas informojn doktoro Blanke. Novajxojn sendas esperantistar', ankaux Heroldo Komunikas senmanke. Al iuj sciigoj -- profunda estim', al aliaj -- rilat' kun kracxemo. Imponas, ekzemple, mosxtula esprim' pri la monda lingvo-problemo. Kaj nepre kun grandega respekto, kvazaux gxi estus premio, li legas pri nova vortara projekto de la Akademio. Surpriza er' en la ret-gazetar', surpriza sensacio de l' jar' miregon kauxzas sur lia vizagxo La Ondo jam plauxdas cxe Balta mar'? Geografia novajxo! Kaj sen atent', kun malvarma anim', simile al kaprin' xxe afisxo, traglitas li artikolojn pri rim' de Parolemaj Grisxo kaj Fisxo. Subite grimacis lia vizagx', kvazaux lin tiklus diabloj sinjoron Blanke atingis mesagx' de la Paktintaj Establoj. Li legas, kvazaux gxi estus malben' de l' sankta tron' Vatikana, aux temus pri kreo de Malta Orden' en diasporo cigana. Reehxas Peterburg' kun aklam' subtenas nin civitan' Anatolo. Alarmas Blanke al Roterdam', la stabo petas lin pri artikolo. Kun kia gxueg' pracelisma mafio nin sxmirus per merd' senindulge pro nia rauxmisma Esperantio, fondita en Sabloneto promulge. Mi lupe elmordus la finvenkismon. Nauxzas min asocio struktura. Ruligxu inferen, en nigran abismon kiu ajn paperacx'. Krom la nura jenas la Cxarto en mia man' -- de l'verda Civito Konstitucio. Legu, aligxu, kaj vi estos civitan' de Esperantio! |