Enkomputiligis Don HARLOW |
Dum juno ĉiu vojo nin invitas kaj ĉiu foro ŝajnas sin proponi; Sur pint' plej alta ni aspiras troni, ec pens' pri cedo morde nin incitas. Sed tempo pasas. Jaroj preterglitas. La spitan »ni« flankŝovas grasa »oni«. Ni lernas kompromisi kaj duoni, pruntitajn pensojn servoprete citas. Kaj iam nur, sub sprono alkohola sin ŝiras el la cerb' ĥaose bola kaj provas kapon levi pens' aŭdaca. Sed vane ĝi alarmon gongi provas: la korp' inerta sin jam plu ne movas — ĝi estas laca, peze, morte laca ... |
1935