Enkomputiligis Don HARLOW

Se flava kampo

de Miĥail LERMONTOV

elrusigis I. LUBJANOVSKIJ

Aperis en Elektitaj versaĵoj (1964)

Se flava kampo ondas per matura greno,
Se ludas en arbar' kun branĉoj freŝa vent',
Kaj se viola prun' sin kaŝas en ĝardeno
En dolĉa ombro de folia tend';
Se en matena hor' aromas florpetaloj,
Sur herbon rosaj perloj falas gut' post gut',
Kaj se el-sub arbust' al mi konvaloj
Per kaliketoj blankaj svingas kun salut';
Se kuras kun susuro frida font' el fendo,
Ravinon enludante per neklara kant',
Kaj, dormigante pensojn per legendo,
Balbutas ion pri feliĉa land', ―
Glatigas mia frunto slkajn striojn,
En la animo kvietiĝas la sufer',
Eblecon de feliĉ' mi kredas sur la ter',
Kaj en ĉiel' mi vidas dion.