Enkomputiligis Don HARLOW
The day is cold, and dark, and dreary, It rains, and the wind is never weary. |
La tago malvarma, malgaja, sensuna; Ne haltas la ventoj, nek pluvo aŭtuna; Vinujo je l' muro putranta sin tenas, Sed ĉiu elblovo foliojn deprenas, Kaj la tago -- malvarma, sensuna. Mia vivo malvarma, malgaja, sensuna! Ne haltas la ventoj, nek pluvo aŭtuna; Miaj pensoj sin tenas je tempoj pasintaj, Sed falas en vento esperoj, velkintaj, Kaj la tagoj -- malvarmaj, sensunaj. Ekhaltu, ho koro malgaja, ne plendu! Post nuboj la suno radias -- atendu! Ne sola vi tiel kun sorto batalas, En vivon de ĉiu la pluvo ja falas, Kelkaj tagoj -- malvarmaj, sensunaj. |