Enkomputiligis Don HARLOW

'Sed, ĉar post ĉia verk', en lasta paĝo'

de Johann Wolfgang von GOETHE

elgermanigis Kálmán KALOCSAY

Aperis en Romaj Elegioj & La Taglibro, Literatura Mondo, Budapest, 1932, p. 72

Sed, ĉar post ĉia verk', en lasta paĝo,
Oni pretendas la moralsentencon,
Laŭ ĉi kutim' ŝatata, mi, por plaĉo,
Volonte donas la poemtendencon.
Ni ofte stumblas dum la viv-vojaĝo,
Tamen, du povoj havas nur potencon
Pri l' hominstinkt', en farsa vivo-dramo:
Multe la Dev', senfine pli la Amo!