Enkomputiligis Don HARLOW

Venu Spirito Sankta

de Oluwabunmi Gabriel OSHO-DAVIES

Aperis en Ondo da Vero 25, trimonata informilo de TIETTI-Instituto de Esperanto en Togolando


Venu, mi petas, Sankta Spirito
Ni sopiras je via vizito
Sen vi ni povas nenion fari
Bonvolu ĉe ni eterne stari.

La promeson pri vi ni ricevis,
Kies plenumon ni multe revis,
Ke vi ja venos kaj nin konsolos
Kaj kiel amiko ankoraŭ rolos.

La promesint' forestas fizike
Sed kiel li jam diris amike
Veninte, Vi nin al l' vero gvidos.
Kaj vian nomon ni ade fidos.

Venu ! Venu ! Ĉiu kor' atendas.
Venu, peton al vi ni nun sendas.
Alie ni tute malsukcesos
Kaj nia rilato kun Di' ĉesos.