Enkomputiligis Don HARLOW
|
Kiam mortos mi, amikoj, Mian tombon faru En la stepo larĝe vasta De Ukrajno kara: Por ke vidu mi la valojn, Dnepron kaj montetojn, Por ke aŭdu, kiel muĝas La river impeta. Kiam sangon malamikan For de ter' Patruja Portos ĝi al blua maro, Mi ekstaros tuje. Lasos ĉion kaj mem Dion Mi atingos pie, Preĝos verve ... Sed sen tio Mi ne scias Dion! Tombon faru kaj ekstaru, Ŝiru ĉenon feran, Kaj aspergu per tirana Sango la liberon! Kaj en nova familio, Granda, bela, forta, Ne forgesu rememori Min per bona vorto! |
