Enkomputiligis Don HARLOW |
En ĉarma rond' knabina, tre gaja kaj intima, kun ironia ton' provokis min propon': "Se estas vi poeto de kapo ĝis piedo, versaĵojn faru pri objektoj simplaj tri! Festro, pord', kanapo; jen temoj por la kapo. Do, rompu, rompu ĝin per ritmo kaj per rim'!" Mi faris riverencon, konsentis rekompencon: "Por la poemoj tri tri kisojn havu mi! Fenestro, vi, okulo de gaja revemulo, mi alte taksas vin; tra vi mi vidas ŝin. Vin, pordo, mi preferas; vi ŝiajn pensojn peras. Malfermo ― la promes', la fermo estas "jes!" Mi ŝtas vin, kanapo, Sur via mola drapo ne batas sin anĝel' post falo el ĉiel'." La versoj plaĉi ŝajnis; la kisojn tri mi gajnis, sed poste flustris ŝi: "La kisoj plaĉis pli ..." |