Enkomputiligis Don HARLOW |
Daŭgava (1) muĝas ... Daŭgava bruas ... Vaga vento latvan ŝipon skuas ... Hej, uf! Hej, uf! Vento ŝipon skuas. Fratoj, nur la sklavo timas skurĝon kaj tiranon, la bravulo ja kutimas spiti uraganon. Vento vane klakas vipon, la bravulo ridas; kun fiero, fido ŝipon li al celo gvidas. Daŭgava ardas ... Daŭgava gardas ... La danĝero latvan koron hardas ... Hej, uf! Hej, uf! la danĝer' lin hardas. Fratoj, staru vigle, firme ĉe la direktilo, maston, velon tenu ŝirme, se tremas la kilo. Suno venkos la tempeston, sonos gaja kanto; latva ŝipo ĝuu feston en libera lando. |