Enkomputiligis Don HARLOW |
Iun tagon la sultano venis el haremo. Ruĝa estis la kaftano, ruĝa la ― mieno. Duboj pikis la sultanon: "Tricent havi ― multe!" Li disŝiris la turbanon. "Tricent havi ― stulte!" Kaj sekrete en divano li demandis sklavon: "Diru al mi, hund', kristano, kiu havas pravon? Havo inojn, en korano diras Mahometo. Unu havu la kristano, dirs Krist-dekreto." "Kristo pravas, ho, sultano, flustris li kun klino, ĉar anĝelo kaj satano vivas en virino. Graco estas por kristano ero de l' edeno, sed sufiĉas inferflamo per la specimeno." Ne respondis la sultano, sed la sklav' konjektis, ke ĵurnte je korano Kriston li respektis. |