Enkomputiligis Don HARLOW
|
|
Enkomputiligis Don HARLOW |
|
Eĉ sen groŝo en la poŝo, sen muzik' pasia, eĉ sen vino, sen knabino estas mi ebria. La humoro kiel oro tintas, dancas, brilas; koraj kordoj en akordoj violone trilas. Revovino de la sino ĝis la kapo kuras, min karese multpromese feinetoj lulas. |
For la spleno ... Dolĉa sveno min forgesi igas pri la ĝemoj, teraj ĉenoj, ŝajno min vivigas. Dank' al Dio Pro ebrio mi la mondon perdas. En oazo de l' ekstazo sonĝomondo verdas. Mondo sorĉa, vivo dolĉa, mia koro ridas, ĉar en via sfero dia homon mi ne vidas. |
|
|
||
