Enkomputiligis Don HARLOW
|
|
Enkomputiligis Don HARLOW |
|
Patra lingvo, patrolando, mi amegas arde vin Tuta tero, Esperanto, vin mi tenas en la sin'. Al unuaj min katenas patriota fila dev'; al du lastaj min alĉenas la ideo, homa rev'. En la amo dividita regas nobla harmoni'; fila devo, revo spita kune vivas sen envi', ĉar popolo, eĉ plej eta, estas filo de l' homar' kaj ĝi devas vivi preta por labori kun fratar'. Landojn, lingvojn mi estimas, celas al tutmonda pac', sed defendi mi ne timas miajn proprajn dum minac'; ĉar la Ŝipo de l' nacio estas lingvo kaj la land', ilin gardu la konscio, gvidu for de rifa rand'. Patra lingvo, patrolando, vi amataj de l' anim', la batal' por Esperanto konatigas vin post lim'. Patra lingvo, vin ĝi gardas kontraŭ drono kaj kunfand', en instruo ĝia ardas la, defend' por patroland'. Tiel amo dividita unuiĝas en la cel'; sankta estas lukto spita sub la signo "Verda Stel'". Frato, sciu, nia flago kaj obstina propagand' estas paca fila ago por nacio, patroland'. |
