Enkomputiligis Don HARLOW |
Ni vivas en epoko mitokrea, Kaj ni mem estas la mitokreanto. Ekmarŝas jam grandpaŝe la giganto, Defalis la kateno prometea. Antaŭ ni brilas vasta perspektivo: Maro de lumo, floro kaj muziko. Sur kampo, en minejo kaj fabriko Ĉie jubilas la bolanta vivo. Sub saĝa gvido de la Kompartio, Por la popolo gaja kaj sen laco Neeblas en la mondo ja nenio. Antaŭ la Pordego de Ĉiela Paco, Jen popolhalon de l' ĉefurbo ĉina Elsorĉis kvazaŭ lampo aladina. |