Enkomputiligis Don HARLOW |
Foje spado de iu vojaĝanto Falis en fluon de sur la boato. Tuj signis li entranĉe sur la rando Por marki kie falis lia spado. Kiam ĉe l' bordo la boato haltis, Li senprokraste en riveron saltis De l' lok' signita por relevi ĝin El la ŝanĝema vasta akva sin'. Ĉion ĉi faris li kvazaŭ laŭplane. La rezultato? Kompreneble vane. Iuj kroĉiĝas dogme al doktrino, Aliaj faras ĉion laŭ rutino, Malsamaj tempo, loko kaj kondiĉoj Ne havas lokon en iliaj niĉoj. Kun sola vest' por ĉia ajn klimato, Ili forgesas ja la movon de boato. |