Enkomputiligis Don HARLOW

La tero patria printempas bril-brile

de KUANG Peilje

elĉinigis Laŭlum

aperis en El Popola Ĉinio, 61/2, p. 71

Montkantojn ⁽¹⁾ mi kantis ja ankaŭ pasinte,
sed tiam la kantoj maldolĉis absinte.
Hodiaŭ mi kantas montkantojn sen ĉeso
pri l' Socialisma Eden' de progreso.

Kantado -- sterkmasoj pli altas ol monto
kaj ĉie abundas rikolto de grenoj.
Kantado -- or-brilas jen nia estonto,
kaj ĉie impetas konstru-entreprenoj.

Kantado -- ti-kiuj en far' malimpetis,
nun ĉiu-sezone tre bone laboras.
Kantado-kleriĝis la analfabetoj;
teknik-renovigoj, inventoj buntfloras.

Kantado -- Partion sekvante l' popolo
jam ĉian obstaklon konkeras facile.
Beliĝas Patrio kun ĉiu la horo,
La tero patria printempas bril-brile.

Piednoto

⁽¹⁾ Montkanto: speco de popolkanto.