Enkomputiligis Don HARLOW

Antaŭjuĝo

(el Ljuŝi Ĉunkiu)

elĉinigis S. J. ZEE

aperis en El Popola Ĉinio, 61/6, p. 299



Unu tagon perdis hom' hakilon
Kaj suspektis la najbaran filon.
Baldaŭ la ŝteliston supozitan
Li renkontis ĉe la stratangulo.
Kian aŭdaculon hipokritan
Trovis li en tiu ĉi junulo!
Li afektis senkulpan aspekton
Antaŭ l' posedinto de l' hakilo,
Sed ĉio konfirmis la suspekton:
La rigardo, diroj kaj la iro.
Tamen li retrovis ĝin subite
Iutage en fosaĵ' ĝardena,
Kie li forgesis ĉe l' mateno
Kaj la herboj kaŝis ĝin perfide.
Morgaŭ li revidis lin survoje
Per hazardo, sed ĉitiufoje
Ĉio ŝajnis al li jam honesto:
La rigardo, iro, eĉ -- la vesto!