Enkomputiligis Don HARLOW

La vulpo kaj la tigro

(el Kroniko de Militantaj Regnoj)

elĉinigis S. J. ZEE

aperis en El Popola Ĉinio, 61/6, p. 299

Tigro vagiris por elĉaso de viando
Kaj en ruzega vulpo ĉe arbara rando
Trovis viktimon.
"Evitu krimon!"
Parolis la fripono
En ton' de gravpersono.
"Dio min faris reĝo de la
Grandregno de popolo fela,
Se vi difektus al mi eĉ hareron,
Vi tiros al vi la dian koleron.
Kiel? Vi ne kredas?
Nu, jam post mi venu
Kaj atenton prenu,
Ĉu ne al mi vojon cedas
Ĉiuj bestoj de l' arbaro!"
Konsentis tigr' sen kontraŭstaro
Kaj iris post la grandvostulo.
Kiam la arbaranoj vidis
Ilin venantaj, jam rapidis
Ĉiuj sin savi per diskuro.