Enkomputiligis Don HARLOW

Rigardo al maro

de CAŬ Caŭ

elĉinigis MEJ Ĝi

aperis en El Popola Ĉinio, 87/7, p. 57

Ascendis mi al Gjeŝi-monto,
Por pririgardi l' bluan maron.
En l' akvvastaĵ' tumultas ondoj,
Frapadas la insul-klifaron.
Arbaroj kreskas en prospero
Kiel la herboj sur la tero.
Aŭtuna vento ĝemsusuras,
Impete altaj ondoj kuras.
Verŝajne l' sun' kaj lun' sin levas
El sino de l' akv-elemento,
Kaj supreniri el ĝi devas
La steloj de la firmamento.