Enkomputiligis Don HARLOW

Humuraĵoj

Unue aperis en El Popola Ĉinio 1991/3, p. 45

EN BALO

Maria tre bedaŭris, ke preskaŭ tutan vesperon neniu invitis ŝin danci. Tiam, bela kaj senĝena viro venis al ŝi kun rideto. Maria haste stariĝis renkonte al li.

"Fraŭlino, ĉu vi volas danci?" demandis la viro.

"Jes, dankon pro via invito."

"Nu, mi povas sidi sur via loko."

OKULFERMA SUBSKRIBADO

Post hejmenreveno de la lernejo Pierre demandis sian patron: "Ĉu vi povas skribi vian nomon kun fermitaj okuloj?"

"Kompreneble," respondis la patro.

"Bonege! Bonvolu do subskribi mian lernonotan kajeron."