Enkomputiligis Don HARLOW
|
|
Enkomputiligis Don HARLOW |
|
Amiko mia inter dratoj dornaj de OFLAG, miaj pensoj al vi iras. Kion vi faras, kiel vi sopiras je via dolĉa franca ter', el mornaj Barakoj kaj el inter la homformaj gardistoj, kiuj rasorgojlon spiras, kaj kies sanga romantik' aspiras je l' glor' de l' tempoj de la kaskoj kornaj? Alia estis tiu romantiko germana, kiun amis vi, amiko! Ho, vin konservu firma la espero De l' fea tago, kiam vi alhejme eskapos de la romantika tero, kiun malamis-amis via Heine! |