Enkomputiligis Don HARLOW

Oliva, XV

de Joakimo du BELLAY

elfrancigis Gaston WARINGHIEN

originale aperis en la nica literatura revuo, 1/1 p. 34-40


Pied', kian konfesus sia Tetis,
je l' fin' montranta ŝtonojn kvin tielajn,
ke Orient' ne havus pli juvelajn,
ĉi lando, kiu perlojn epitetis;

Marmora ho Pied', sur kiu metis
sian restejon la Gracioj stelaj,
bazitan mem sur du kolonoj belaj
el alabastr', kes poluro netis;

Se al l' Okul' min nutri iĝis tedo,
se l' Buŝ' senigas min je kisbalzamo,
se l' Man' en miaj vundoj tiel fortas --

Nur ne forigu de mi, ho Piedo!
ĉi mian tristan koron, kiun Amo
enfermis en la korp', kiun vi portas!