Enkomputiligis Don HARLOW |
Kiel la kamp' semita kreskas per verd-abundo, el verdo plialtiĝas en tubon gloriĝantan, el tubo hirtiĝadas en spikon floriĝantan, el spik' fariĝas greno sub la varmecfekundo; Kaj kiel la kampulo ĉe bruloj de la Hundo tondas de l' flavaj sulkoj hararon ondiĝantan, vicigas laŭ fasketoj la grenon blondiĝantan kaj faras jam mil garbojn sur la rabita grundo; Same pograde kreskis la Roma Imperio, ĝis estis ĝi rabita de la Barbaroj, kio postlasis nur ĉi tiujn antikvajn glor-atestojn, de ĉiu dispredatajn, kiel se, kun konstanto paŝante, kolektadas la spikoknabo restojn, kiujn defali lasas post si la rikoltanto. |