Enkomputiligis Don HARLOW |
Al vi, ho trup' facila, kies vagad' flugila tra la mondo sencelas, kaj sible kaj murmure la frondojn ombrajn nure per lanta mov' ŝancelas, Jen, por ofer', violoj, lilioj kaj koroloj de etaj rozoj ankaŭ, de rozoj ruĝevidaj ĵus freŝe disvolvitaj, kaj plu diantoj blankaj! Per via milda spiro blovu al ĉi azilo, blovu al ĉi terpeco, dum mi, sen ŝpari penon, ventumas mian grenon ĉe l' taga plenvarmeco. |