La lunhomo (Hugh MacDIARMID)

La lunhomo (1)

de Hugh MacDIARMID

elskotigis William AULD

originale aperis en la nica literatura revuo, 1/2 p. 57-59

Ĉiele ondas lunradioj,
          Kaj Ter', la ŝtono nuda,
Sub spacomaroj brilas blanka
          Kiel ost' mamuta.

Kaj, super l' ora ond' levite,
          miranta Pens' meditas
Kaj vidas ĉie spurmoviĝon,
          nenion korpan vidas.

Piednoto

(1) Lunhomo: malnova superstiĉo vidis sur la luno la bildon de homo kun laterno kaj fasko da dornaj branĉoj.

Sendu demandojn kaj proponojn al

Don Harlow <donh@donh.best.vwh.net>