Enkomputiligis Don HARLOW
-- Terure, mia kara! Ŝia psikiatro malkovris, ke ŝi enamiĝis al sia patro!
-- Ĉu tamen kuraceble?
-- Nenia espero: ŝia patro estas jam edzigita.
* * *
Usona psikiatro esploras rekrutojn. Petinte ilin pri memkolektiĝado, li tiras el sia poŝo sian poŝtukon kaj svingas ĝin antaŭ iliaj okuloj; li reŝovas ĝin en la poŝon, kaj laŭvice pridemandas: "Pri kio vi ekpensis?" La unuaj respondoj estas banalaj: pri neĝo, pri papero, ktp. Sed unu deklaras: "Pri amorado! -- Treege interesa, ekkrias la psikiatro. Kaj kial vi ekpensis tion? -- Nu, mi ĉiam pensadas nur pri tio..."
* * *
Kliento, skuita de multaj tikoj, vizitas psikiatron kaj deklaras:
-- Doktoro, la vivo estas neeltenebla: mi senĉese sentas, ke grimpas sur mia tuta korpo oniskoj, formikoj, blatoj, skorpioj...
-- Atentu do, interrompas abrupte la psikiatro, ne faligu ilin sur min!
* * *
-- Doktoro, mi estas senĉese obsedita per bildoj de morto.
-- Ĉu? diras la psikiatro.
-- Iafoje, mi sentas urĝan bezonon ekkapti tranĉilon kaj malfermi al mi la ventron.
-- Ha! diras la psikiatro.
-- Hieraŭ, mi apenaŭ povis deteni min direkti mian aŭton rekte kontraŭ benzinkamionon.
-- Nu, diras la psikiatro.
-- Kaj nun, jen, kiam mi vidas tiun ĉi fenestron, mi devas, jes devas ĝin malfermi kaj transsalti !
Kaj li malfermas ĝin, kaj, saltinte, malaperas.
-- Bum! diras la psikiatro.